【行業辛酸】網上學習令IT人做到半死 老師家長奪命追魂Call問電腦

受第四波疫情影響，中小學被迫取消面授課堂，改以網上形式遙距學習。停課不只影響學生及家長，也令學校的IT職員「做到得返半條命」。有不少IT人在網上大呻「家長老師事無大小都打嚟問，有啲仲二話不說捧住部電腦衝返學校」，有時更要24小時On Call，身心俱疲。

延伸閱讀：【行業辛酸】自私住客隱瞞確診肺炎 煤氣職員上門檢查慘被隔離

網上遙距學習成為新常態，對於一些不擅長用電腦的老師及家長來說，一時三刻要活用網上軟件都是一個挑戰，引致很多人經常尋求IT同事幫助，大大增加他們的工作量。

有學校IT支援人員表示今年「做到半死」，明明已經製作了許多條教學短片，教全校用Zoom及Skype等軟件，但某些家長總是無睇過就打電話過來問。「好多家長一上唔到視像堂就發晒癲咁，即刻打畀我哋要第一時間解決，仲有人試過二話不說捧住部電腦衝返學校！」令IT支援人員好像變了客戶服務主任，24小時On Call處理家長查詢。

最慘的是大部分電腦問題都是十分「低能」，有網民分享家長投訴電腦用不到Zoom，結果IT同事發現全因根本未開電腦，家長只是開了熒幕見到黑屏就急不及待打電話來，結果浪費了大家的時間。

有IT人員笑言，大家問嘢之前應該先做以下八件事，還是無法解決才打電話求救：（按圖了解）

+13

+12

（資料來源：Not Your Usual Education 神奇教育）

延伸閱讀：【行業辛酸】IT人被叫整電腦 打工仔︰連上唔到網都關我事

+7

+6

延伸閱讀：【行業辛酸】幼稚園教師日做14小時 忙到胃痛腰痛仲有腳傷

延伸閱讀：【行業辛酸】90後做保安被恥笑？打工仔︰點解要睇唔起我？

⏩⏩  大把兼職、散工、前線好工等緊你！即用「搵工快」WhatsApp 搵工  ⏪⏪

搵好工，快啲下載CTgoodjobs手機APP啦！