【讀者投稿】哥哥無業但想結婚 妹妹:問完父母又問我借錢

有甚麼驅使你結婚?年紀大了,到適婚年齡?遇到一位好好的伴侶?還是身邊朋友個個都結婚,令你萌起組織家庭的諗頭?日前讀者Helen (化名)投稿,指她的32歲哥哥最近向女朋友成功求婚,計劃一年後結婚擺酒,但問題在於哥哥近期因為受新冠肺炎影響而失業,而他的儲蓄亦不足夠舉行婚禮,因此他向家人借錢,Helen表示無法忍受哥哥的行為,故投稿發洩。

延伸閱讀︰【愛情定麵包?】拍拖被女友嫌做保安 網友︰呢啲女仔唔要都罷!

 

Helen︰「無錢唔好學人結婚啦!」
Helen今年26歲,自知自己入息唔高,只得萬幾元,所以暫時都未有結婚的計劃。不過,她的哥哥跟她的想法完全相反,最近哥哥失業,但又向他的女朋友求婚,計劃一年後結婚擺酒,Helen說︰「佢 (哥哥)求婚成功,我都好開心,但無咁大個頭就唔好戴咁大頂帽呀嘛,明知自己不嬲都無儲錢,呢排無嘢做仲玩結婚,又話女朋友屋企人唔擺酒唔得,佢計過條數之後搞唔掂,就問Daddy、Mammy借錢!」無奈的是,Helen父母的儲蓄不多,哥哥就轉投向妹妹借錢,令Helen十分生氣︰「我知道自己搵得唔多,已經好慳家,每日返工都帶飯。我係女仔嚟,我都想結婚,咁我借錢畀佢,我之後點呀?」

延伸閱讀︰【讀者投稿】遞信辭職被老細挽留 最後加$500人工你點揀?

銀行借錢是另一辦法?
在香港舉辦婚禮,三幾十萬是基本入場費,有人為了一生人一次的夢想婚禮,情願借錢都要大排筵席,Helen哥哥就是一個好例子。Helen表示︰「哥哥話如果屋企借唔到錢畀佢,就會問銀行借,不過佢而家失業,都唔知佢點借。同埋我有朋友之前都問銀行借過幾十萬結婚,但婚後就好慳,每個月要還錢畀銀行,疫情之前想去旅行都唔得,咁樣借錢擺酒真係開心咩?」

為了哥哥不問銀行借錢,Helen選擇將自己的積蓄,借給哥哥舉辦婚禮,她說︰「我唔想佢為咗借錢搞到周身債,我情願自己慳啲囉,不過好想借我嘅例子,有望其他人都諗清楚,係咪真係有需要借錢結婚擺酒,簡簡單單食餐飯真係唔得?」

延伸閱讀︰【女士徵婚】40歲中女開10大條件搵男友 !網友︰抵你註定單身

延伸閱讀︰【職場熱話】30歲「剩女」月入一萬?網友︰新人都高人工過你啦!

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!