辦公室政治，不是你想避開就能避開，它總會纏繞著你，令你身心俱疲，痛苦不堪。正如讀者李先生投稿所說的辦公室鬥爭，令他煩惱不已，明明自己只是專心工作，不談任何八卦，但辦公室政治總是在你身邊，甚至煩到想辭職，但考慮最近市道差才打消念頭。
延伸閱讀︰【返工血淚史】網民怒數公司10宗罪 開會至少發言一次未算慘
李先生︰不只女人八卦 男人都鍾意講是非
有人說講同事是非，可以發洩內心不滿，但亦有人認為講是非只是一種手段，用來換人情，跟其他人打好關係。無論是前者或是後者，對李先生來說任何一種是非都是煩惱，沒有分別。李先生說︰「我做過細公司，細公司嘅人際關係無咁複雜，大家都好融洽，但轉咗去大公司之後，就發現同同事感情好，唔係理所當然。而家我嗰Team有10幾人，女多男少，班女同事日日圍埋講是非都算，無諗過連男人都咁八卦，周圍收風套料，成日單單打打，然後就講畀上司聽。佢哋大聲講大聲笑，係人都聽到啦，有時又話呢個女同事著衫核突，有時又拎人哋個Facebook係咁討論，話佢個女朋友好樣衰，佢個男朋友好唔掂咁，其實返工時間講咁多呢啲無聊嘢，真係好討厭。人哋係點關你咩事？同埋男人咁八真係好核突…」
李先生指間中講八卦，人之常情，但假若時時刻刻都將別人的私生活，作為茶餘飯後的話題，就相當討厭。李先生更說他的同事，喜歡幫別人改花名︰「有時佢哋過份到直接喺嗰位被改花名嘅同事面前，大聲講佢嘅是非，佢哋真係當人傻架，唔埋堆就被杯葛，細路仔咁。其實大家都係返工啫，搞咁多嘢做咩？」
延伸閱讀︰【職場熱話】冇晒水又唔換 網民：斟水係同同事之間嘅一場博弈
明爭暗鬥的文化太嚴重
經常聽到「有競爭才有進步」，但如果身邊的競爭沒有營養、沒有質素，那真的會令大家進步嗎？李先生表示公司同事表面感情好，但經常都鬥過你死我活，無時無刻都要搏上位，又要抹黑其他人，李先生說︰「可能大家唔想輸畀其他同事，呢個我明嘅，但係佢哋成日鬥埋啲無聊嘢，鬥遲收工、鬥收風收得多呢啲，其實實際同工作表現無關。」
李先生明白自己不識做人，不識玩辦公室政治，他接受訪問時只是說想安安穩穩，準時返工放工，現在不選擇辭職，惟有默默忍耐…
延伸閱讀︰【職場熱話】同事撞完車為勤工獎仆返工 網民：無人夠香港人奴性重
應如何面對辦公室小人？
辦公室小人大致分為幾類，分別是自大型、抹黑型、小圈子型及擦鞋型，假如你公司有齊以上所有類型，恭喜你，你中大獎了！
CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！
【職場貼士】8招溝通技巧 令你成為別人心中的好同事
【面試技巧】見工時「離職原因」要點答？即學4招幫你加分
【辭職學問】離職前交接工作要做足 列清5大重點幫你完美退場
【職場貼士】覺得工作枯燥又繁瑣？6個讓你工作更輕鬆的習慣