退休救護員心痛郊野被污染 自組義工隊清理2734袋垃圾

退休救護員心痛郊野被污染 自組義工隊清理2734袋垃圾

【晴報專訊】「退休都係等死,不如用時間做返啲有意義H事!」退休救護員「貓哥」眼見人類對大自然破壞不斷,沙灘、郊野滿佈垃圾,去年自組義工隊伍「上山下海執垃圾」,走遍大東山、橋咀島、白沙洲等地,至今已出動逾百次,收集逾2734袋垃圾。但貓哥坦言要扭轉局面,始終要靠政府直視問題:「再唔認真面對,人類只會自食其果!」

退休組義工隊 8個月增至千人
任職消防處救護員超過30年的「貓哥」冼力求,工作時見盡生死,去年退休後只盼善用餘下的時間,做有意義的事,一向酷愛遊山玩水他,眼見經常有無品遊客在郊野遺下垃圾,海洋垃圾堆滿沙灘,自然環保飽受破壞,於是與友人自發清理,逐漸參加的人愈來愈多,及後更組成義工隊伍,短短8個月Facebook義工群組人數已破千。

義工們至今已出動超過167次,足跡遍佈汾流、船灣白沙頭、石澳等地,時而行山執垃圾,時而划艇到偏遠小島清理沙灘;在「山竹」襲港後東平洲一間士多嚴重受損,他們甚至潛水為村民拾回磚塊重建。截至去年粗略估計已執拾2,734袋垃圾、79件大型垃圾,清理過多海灘數之不盡。

貓哥透露:「參加H朋友最細得8歲,由媽媽陪住嚟,年紀最大唔少都退咗休!」義工們來自不同年紀、界別,貓哥表示只要有心,即使體能較差,亦可參與處理較易前往的山嶺及沙灘。

不過部分地方動輒需步行2至3小時前往,運走垃圾有一定困難,故他們現時與政府機構合作,將垃圾收集及封好後,通知部門派船隊收走,清理效率比以往更高。

塑膠污染海洋 人類自食其果
然而貓哥坦言,如果人們不減少使用塑膠、提高保護環境的意識,再多的義工、再多的清理行動都是徒勞,「海洋垃圾數之不盡,執完又再沖返一堆上岸,唔會執得完!」貓哥不諱言:「垃圾由人類製造,落入海洋分解唔到,最終只會經食物鏈落返人類度,人類只會自食其果!」貓哥認為減塑及環保文化應由政府帶起,加強教育及改善政府,以免再有塑膠污染大自然。

Tags:
Look out for further updates on our Facebook fan page!

Related Articles

More