【都市傳說】月入$20K以下一定儲唔到50%?關鍵原來係...

雖說香港地揾食艱難,但日子總要過,同時亦要為將來打算,儲錢是其中一個做法。對於儲錢,人人各有不同妙法,有人在衣、食、住、行各方面入手,有人就盡量不外出消遣,節儉渡日。有打工仔於討論區發帖文,指出若月入20,000元以下,則很難儲蓄50%,而關鍵在於家用所佔百分比。

延伸閱讀:【儲蓄理財】疫情增加財務壓力? 3個方法理財更輕鬆

月入14,000元 堅持「三份一原則」

任職會計文員的事主月入14,000元,房租已佔去當中數千元,有感儲錢艱難,慨嘆「就算未結婚都無可能儲50%,家用已佔幾千…出去同朋友食個飯都最少$200」。雖然儲不到月入的一半,但他也有自己的一套理財大法──三份一原則:「三份一家用、三份一日用、三份一儲蓄」。有網民就認為,由於家用普遍佔去打工仔收入的一大部分,故家用是儲錢成功與否的關鍵:「要睇下畀幾錢家用然後好慳」,亦有人表示「要黐住屋企人先有機會做到」。

理財方法是關鍵
不少網民就認為,不論收入多少,理財方法才是關鍵:「唔識理財揾100K都儲唔到」、「儲70%都得,睇你點使啲錢」。心態決定境界,有人就建議:「假設月入$20,000,你當只有一萬咁生活,就一定儲到50%」。面對無止境的購物慾,自制是儲蓄的致勝之道:「唔係睇你揾幾多,而係睇你受唔受到誘惑,量入為出」。

延伸閱讀:【預算案2020】失業苦無出路?「特別‧愛增值」計劃津貼助僱員發展

儲錢5年買樓大法

有「慳仔」、「慳女」就教路,提出5年買樓大法:「儲5年就可以買層250萬舊樓,首期32萬,再用18萬裝修,月供9000元。存款還有十萬」。亦有人分享儲錢心得:「我以前有個朋友,日日午餐食巨無霸,唔飲嘢,足足一年,睇你想點啦」、「我同事做到,月入$19,000,家用$3,000,無卡數,好慳,有女友,自己帶飯,月使$3,000,月儲$13,000,目標上車,已有50萬,樓市再跌願望成真,今年25歲」。

Look out for further updates on our Facebook fan page!

Looking for jobs?