【防疫安排】打工仔大呻被「迫」返工 公司仲要派湖北製口罩?

新型肺炎疫情蔓延,截止今早(2月10日)本港確診個案已達36宗,令人人自危。同時,政府已帶頭容許公務員在家工作超過兩星期,以減低社區接觸,不過仍有不少私人企業要求員工回到辦公室工作。有網民在討論區發帖,大呻公司安排不近人情,不滿在疫情肆虐的情況下仍被迫上班。

延伸閱讀:【武漢肺炎】有公司引用專家指口罩無助防疫 疑為不向員工提供口罩鋪路?

事實上,唔少行業或工種的確無法採取在家工作安排,例如物業管理員、零售業僱員等,但如果工作性質容許,員工在家亦能完成所有於辦公室需要完成的工作,在此等非常時期僱員仍要求僱員上班就說不過去了。發帖的網民未有分享自己從事甚麼行業,但表示公司位於「疫症高危地區」,早前讓員工輪流上班一星期,但下星期起(即2月10日)卻要求員工如常上班,而「明明未來14日仲係危險」。此外,事主亦表示,雖然公司每天會為員工提供一個口罩,但口罩的製造地點卻是今次疫症爆發的地區之一湖北,令他大感不滿又無奈。

 延伸閱讀:【武漢肺炎】口罩放喺公司被偷可以點做?網民建議另類方法

有公司表面提供口罩 實際上一罩難取?
帖文引起不少網友的共鳴,不少人大呻工作薪金少,近日疫情肆虐仍要上班,更有網民分享指公司在疫情爆發至今「無停過一日工,又無安排Home Office」,更有公司只針對疫情而要求員工每天上班時探熱,但「第一日扮下嘢做過之外,之後都冇做過」,更有公司不讓懷孕的同事在家工作,「我嗰間(公司)有大肚同事申請Home Office多一星期都唔俾」,亦有網民表示,公司附近出現數宗確診個案,但竟要求員工卻不想上班就自行扣大假,「去過大陸都要扣AL自我隔離」。

至於口罩安排,不少打工仔均表示公司沒有提供合規格的口罩,即使有提供,要取得一個口罩也不容易,「可能因為知道僱主無口罩提供係犯法,公司先擺咗幾包出來比個admin鎖住,仲話大家唔記得戴口罩出街先拎,但有咩人會唔記得戴口罩出街」、「公司只係得啲薄過紙巾既口罩」、「公司無口罩,我有幾聲咳,同上司講有啲唔舒服,佢話係咪真係好唔舒服,唔係就照返咗先」、「一切如常,口罩都無,仲要有啲同事連口罩都唔戴」。

 

Look out for further updates on our Facebook fan page!

Looking for jobs?