【4天工作、年假任放?】90後23歲創業:唔好叫我做老細!

【4天工作、年假任放?】90後23歲創業:唔好叫我做老細!

兩名90後,曾經被「睇死」,「Google都做唔到,就憑你兩個後生仔?」結果成功推出全民免費砌App平台,23歲便創業,並建立一套管理文化,4天工作制,年假任放,更一反傳統,不准稱呼二人做老細,「老細話點就點,只係滿足老細意欲」。他們的管理思維,純粹建基於自律與信任,創業3年,工作從沒脫軌。

創立免費砌App平台 棄職場階級觀念
未談創業經過,先被一句話吸引,「可唔可以唔好喺佢哋(同事)面前嗌我哋做老細」。方嘉毅(Lucas)和梁子謙(Sean)是初創企業Abtitu創辦人,公司文化第一條,不准叫老細。Lucas解釋,「如果有老細,我講一件事,(同事)唔多唔少有個潛意識,老細話點就點,就唔係改善件產品,只係滿足老細意欲」。

Abtitu主要提供免費砌App平台。Lucas說,平台的設計及功能,意見來自用家,「話畀我哋知點去改善」,而非老細話事,「平台就係老細」。技術總監鄭植元(Lawson)認同這種非傳統架構,「如果嗌老細,會有階級感覺,即係你講乜我就要一定要做,變相唔可以表達自己的聲音,就算表達咗,都未必受到重視」。

被行家「睇死」 最終成旗下會員
重視兩個字,在創業過程中,兩名創辦人有深刻體會。「我哋有畀人睇死過」,Lucas說,平台研發之際,曾向一間軟件公司請教意見,被對方看輕,「人哋Google都做唔到,就憑你兩個後生?咪玩啦」。Sean說,這番話激起二人決心,「我哋就做畀你睇」。兩年後,這間軟件公司,登記成為Abtitu目前約1,700名使用者之一。

大談創業經過 大男承喊過後繼續拼搏
這兩名男孩今年26歲,是大專同學。4年前,二人有感在大數據時代,傳統複雜的編寫程式方法窒礙創意,Sean說,「其實好多人都有好多ideas(意念),但畀學寫coding(編程)阻礙」。他們想到把編程語言圖象化,如TouchID、QR Code甚至PayPal等功能,只需簡單在設計介面上以drag and drop(拖拉),即使不懂編程,也可逐一併砌出來。

3年前他們成立公司,踏上創業之途。「超級多困難」,Sean說,研發需資金,又要做市場測試,錢一直在燒,且沒人脈網絡。最山窮水盡時,積蓄耗盡,屋租也沒錢付。兩個大男孩試過在茶餐廳哭了出來,「周圍啲人都望住我哋」,但哭過後,又繼續日拼夜搏。

直至去年底,終覓得一間機構注資七位數金額。現時Abtitu除推動免費砌App平台外,也為企業提供商業方案,改善營運,成主要收入來源,預計今年度營業額突破100萬,達收支平衡,將來有盈利也會繼續投資發展。

年假任放 每周一天「Home office」
Abtitu辦公室現設於荔枝角工廠大廈,兩年前參與培育計劃時,曾進駐數碼港,因地點偏遠,當時落實第二條公司文化,每周一天「Home office」(在家上班),減輕同事舟車勞動,變相每周工作四天,而且年假任放。

「我哋冇法定年假呢個概念。」Lucas說,同事可自行分配時間,「我畀10個工作你做,你星期一做晒又得,分開做又得,唔會限住你要喺度(辦公室)幾耐」,但必須在死線前完成工作,也要有質素,「我哋相信每個人都有自律性,亦都係信任」。自律與信任,正是公司的核心價值,也是請人準則。

Abtitu團隊現有12人,平均年齡26歲,最年長只32歲,也有剛大學畢業,全部經內部介紹。Lucas認為,若公開招聘,應徵者可能只求薪酬福利,未必迎合公司的自律文化,尤其是初創企業,「我哋係startup(初創),要快,要埋首就一齊工作,有個passion(熱誠)去做」。

Look out for further updates on our Facebook fan page!

Related Articles

More