【商業email│電郵禮儀】Send email叫同事做嘢前要打電話講聲？網民解釋3種情況有唔同做法

商業世界中，撰寫電郵遵守一些特定的規則及禮儀，但原來發送電郵前後也有一些不成文的規定。有網民於討論區「Dcard」發文，表示發送電郵予同事之前，應該要預先致電同事交代，更指「而家啲後生冇咩職場禮儀。」那麼，在甚麼情況下，發送電郵需要預先致電；在甚麼情況下則不用呢？

延伸閱讀：【00後辭職】00後唔識職場禮儀？辭職信淨係寫「I Quit」同簽名 網民：簡單直接，有咩問題？

按圖睇樓主及網民回應：

+6

+5

樓主：事源有日我同朋友傾偈，佢話而家啲後生冇咩職場禮儀，Send email前唔同人講聲，就咁直接Send出嚟叫佢做嘢。所以想睇吓大家對Send email前或後要同對方講聲有咩睇法？

網民A：要人講先識Check email嘅人得4種：

1. 平時扮開工，唔會成日檢查電郵。

2. 唔識Check email。

3. 白紙黑字冇得推，覺得唔開心。

4. 忙到冇時間。

不過多數都係1、3㗎喇。

網民B：我自己嚟講，Email只係象徵式，或者留底用，或者廢事對方瞓個覺就冇咗件事，但係一般都係口頭討論或者溝通先，達成共識再補Email。除非係本身有System直接落Request呢啲啦。

網民C：我係Send完再提一提佢。

網民D：分3種啦，睇對咩人、咩身份。 隔籬Team同位嘅就咁Email Request，對下就直接口講 ，對上就Email加埋口講或者Message。

網民E：正常都會講聲先嘅。我自己嚟講，除非見到Preview係Dear我個名，否則我唔會打開睇，好多時收到Email未必係畀自己，但係Related Party就會喺個loop到。同埋喺Office長坐，都要搵個理由去搵人傾吓偈，交低嘢就係一個好好嘅機會！

網民F：睇情況，簡單嘢直接Send，要傾、要夾、要解釋嘅嘢傾好先Send。

網民G：Send完一定要講聲，尤其係重要嘢，呢啲道理我一個Intern都識啦。見過Senior日日都要Screen一大堆未睇嘅Email，你唔講佢點知？

其實發送電郵前是否要先致電對方，需要視具體情況而定。你可以從以下4點考慮：

緊急性

如果事情非常緊急，直接打電話會更有效率，能夠立即獲得回應和解決方案。

複雜性

如果需要討論的內容較為複雜，或者需要雙方即時互動，電話或面對面溝通會更合適。

禮貌與禮儀

在某些情況下，尤其是涉及較高層的管理人員或重要客戶，先打電話表示尊重和禮貌，然後再發送詳細的電子郵件作為記錄和跟進。

文化差異

不同公司和行業有不同的文化和習慣，有些地方可能更偏好書面記錄，而有些地方則更重視口頭溝通。

不過，每間公司的文化均有不同，難以一刀切去界定什麼時候應該打電話與否，所以最直接的方法，其實是詢問或觀察資深同事的做法後再作決定。

睇埋點應對卸膊同事？

+12

+11

上司講潮語好難頂！

+19

+18

延伸閱讀：【職場禮儀】老細話錯打工仔 要食死貓定澄清？網民：唔澄清就做孭鑊代表！

延伸閱讀：【職場溝通】Send訊息唔小心得罪人？8個使用通訊軟件應注意的禮儀！

延伸閱讀：【職場溝通】搭lift撞到老細！可能得罪佢都唔知？打工仔要知嘅5個Don’t！

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗