【職場八卦】返intern入咗超chur團隊 實習生：個個遲放工搞到我都唔敢收工

不少大學生在校期間都會選擇做實習（internship），累積社會經驗和豐富履歷（CV）。一名大一學生在Dcard討論區發文分享自己第一份實習工作的故事，他表示自己在一個節奏快和工作量多的團隊實習，而團隊內的同事為了處理工作，加班工作已成常態。

身為一個職場新丁，事主向網民請教，好奇應否一同加班工作，避免每天先行離去的尷尬。網民直說事主這樣想「好傻」？

延伸閱讀：【職場八卦】眼見同事日日OT 自己又幫唔到手 良心覺得過意唔去！網民：內疚唔值錢的        

+12

+11

事主：「求救，Year1第一次返intern，我就入咗一條超chur嘅team，我哋成team都係坐埋一間房仔，佢哋每日都要做到好夜甚至凌晨。我個位就無咩嘢做嘅，所以都可以6點幾就完成晒所有工作，合約就寫返9-6，實際其他人都係返10，咁應該跟合約定係7點先走？

如果呢個情況應該點收工好，因為其他人全部都要OT，無啦啦走咗會唔會好奇怪同埋好尷尬？每次我自己收工好似都驚動晒全房嘅人。有個senior好似唔滿意我自己早走，第二日畀說話我聽，如果係咁，應該點樣收工好？利申：平時有問跟我個senior仲有無嘢要我做先走。」

網民：「廉價勞工仲要OT，仲要覺得唔好意思，放工就直接走啦。」

網民：「夠鐘就走啦！唔好做壞規矩，冇OT補水一律準時走，佢做到幾多點係佢嘅事，你準時走就得啦。」

網民：「梗係跟合同，5:50好執嘢，之後6點就走！好奇想問吓其實你之前有冇返過工？感覺你太為公司着想。」

網民：「香港職業訓練局，社畜想同intern講，唔使驚啲老海鮮，夠鐘就走，冇同事會唔妥，而且你係intern，講真你唔係長做，真係唔會教你啲咩，因為教完，最後都係自己負責返，咁不如自已做返仲好，寧願自己錯都唔想拉你哋落水。唔使驚senior背後搞小動作，咁合約係咁寫就咁做，只係過嚟體驗返工咋，唔使咁有責任感，放鬆啲個人。而我覺得要扮嘢，就算冇嘢做都扮問吓有冇啲簡單嘢可以畀你做，起碼個印象冇咁差。」

網民：「你intern咋，使乜同佢哋OT咁耐呀？我而家開始返工都係準時走人，未做完嘅嘢咪聽日先做。」

網民：「唔使理佢，有啲老海鮮係好煩，唔見得人早收過佢，但又唔諗自己做嘢慢。」

網民：「返9就6點走，返10就7點走，除非你畢業想入返去做啦，Intern點解唔可以準時走，個senior黐線，睇唔過眼你準時走，你又唔係同佢攞同一份糧，做完自己的工作就拍拍囉柚走啦。之後如果再有人話你，直接同佢講我係intern，我攞嘅係intern人工，我做晒自己嘢，點解唔可以走？理直氣壯唔使驚。」

網民：「除非你諗住遲啲喺呢間長做，如果唔係就唔好咁大責任心，你senior唔滿意咪叫佢改合約。」

網民：「對人仁慈，即係對自己殘忍。唉，不過我現實都係低頭咗，錯就錯在自己太顧人哋感受，我只係想搞掂晒啲嘢安安樂樂咁閃人，我冇包袱放得工嘅同時都想同事可以輕鬆啲早啲放工。好羨慕啲準時搭正，頭也不回放工咁瀟灑嘅人。」

網民直指intern是廉價勞工，事主加班工作亦沒有任何補償，實習工作不過是體驗社會生活的途徑，事主不用過分傷心和在乎老海鮮的想法。只要做好份內事，準時離開便可以。想要留下好印象，事主空閒時，可主動向同事詢問有沒有工作需要幫忙處理。

Intern係廉價勞工？網民討論大學生返實習係豐富履歷定做打雜？

+10

+9

延伸閱讀：【大學實習】實習留咗壞印象畀經理 事主：我仲想畢業之後入返去做⋯⋯        

延伸閱讀：【畢業生】CFA調查：金融業成為大學生畢業首選行業 甚至認為比醫療及IT行業更穩定及吸引！        

延伸閱讀：【職涯規劃】唔想升職、拒絕踏出舒適圈就係錯？網民：每個階段都有自己嘅需要！        

【星級斜槓族】Jason陳柏宇入行前做過使頭仔同送貨員 拍YouTube只為吹水好玩 自認100分爸爸 但對父親節零感覺？！