【自我增值】被公司迫學外語 打工仔嘆要自費︰點解要貼錢返工？

日韓文化風靡全球，不少年輕人創業，都看準日本和韓國的市場，希望從網上商店的熱潮中分一杯羹。市面上越來越多IG店，想突出重圍除了要靠宣傳，控制來貨價的成本同樣重要，不過要跟外地批發商聯絡，識當地語言是關鍵。最近有在專買日韓貨品店舖工作的讀者Grace大鬧，指老闆在招聘時無講明要員工識日文和韓文，但入職後卻要求他們在半年限期內自費學外語，更要脅會炒未能達標的人，令Grace大嘆「點解要貼錢返工？！」

按圖即睇讀者Grace的故事︰
讀者Grace︰「我本身學歷唔高，中學畢業之後就做零售Sales。之前做過好多大型舖頭嘅店員，其實主要都係摺下衫，入倉執下貨，好少對人。幾個月前我轉咗去做細舖頭嘅Sales，諗住無大公司咁多嘢做同咁多束縛啦。點知返咗一禮拜已經忙到癲，仲不時要你幫手影相、開Live…呢啲都唔緊要，當試下多啲唔同嘅嘢，但最近老細要求我學韓文同日文，話想我易啲同當地批發商溝通喎。本身諗住學多個語言都好呀…點知！我問佢會資助我幾多錢，佢居然無諗過畀錢我去學！ 即係要我自費學外語，仲要打孖上，係咪黐線㗎！我聽到佢話無Sponsor，咪話公司本身無要求員工要識呢啲語言囉！佢就話如果唔學，唔識講日文同韓文嘅話，叫我另謀高就喎。

講真，如果識韓文同日文，都自己開舖或者去咗做繙譯啦，使鬼喺呢啲小店打工咩。又再講，你最初無講明要我識呢啲技能，你明知㗎喎，而家就拎呢樣嘢嚟要脅返我轉頭？！唔係老闆就大晒嘅，我最多咪唔做呢份工囉，出面大把小店請人。但我真心好奇，究竟啲老細可唔可以因為個員工唔自費學外語就炒人！同埋，我無諗過小店仲過份過啲連鎖店….」

延伸閱讀︰【職涯規劃】失業後想轉行？無須高學歷都能入行的高薪工作

提升職場5大軟實力助你搵工轉工
在職場上自我增值是必須的，不論是自費學習，或者有公司和政府的資助，定時進修新知識，有助未來的職涯規劃。LinkedIn早前公布求職者應具備的5項軟技能，假如打工仔無時間或無錢進修，不妨從軟技能著手，為搵工轉工加分。
 
延伸閱讀︰【職涯規劃】50歲中年大叔唔識英文︰無學歷就無得做文職？