【自我增值】26歲打工仔嫌飲食業人工低想進修 網民提議有咩工種前景好？

在漫長的人生中，總會做過令自己後悔的選擇，例如大學選錯科、出社會選錯職業等，繼而引發許多人中途轉行，重新出發。最近有位聲稱26歲、從事餐飲業的打工仔，在討論區尋求網民的意見。他表示：「返飲食業做生做死，工時長先搵得2萬蚊，而家想半工讀增值自己，會唔會太遲？」，網民提出了多項建議。

延伸閱讀：【自我增值】港人持續學習意識薄弱 團體倡每人派10萬資助終身進修

事主有咩煩惱？（按圖了解）

+15

+14

打工仔：「我今年26歲，之前做開飲食業，做生做死，工時長先搵得2萬蚊。細個淨係讀咗設計高級文憑，嗰陣諗住可以天馬行空。但後來發現唔啱我，讀完都無做過設計行業，人生最後悔讀咗呢科。而家想半工讀增值自己，會唔會太遲？人生好迷惘……我唔知自己有咩長處，諗唔到咩科啱我。本身份人唔係好識講嘢，唔夠自信同比較怕羞，中意分析推理呢啲。之前有自學過programming，但係發現自學真係好困難。我都諗緊係咪要讀工程，仲有海關、入境、救護等等，大家有無意見？」

網民有咩建議？

建議一：護士
網民A：「進修嘅話一定要揀含金量高嘅科，讀nursing真係一個好選擇，出嚟又穩定人工又唔錯。」

建議二：政府ACO
網民Ｂ：「你做人咁被動又無目標，政府ACO唯一出路，十年後就算唔升，計埋通漲你預有35至38K。」

建議三：廚藝
網民Ｃ：「個人建議讀廚藝，既然你做開飲食業，可以一試。相比其他行業，做廚算穩定又無壓力，你想再上一層仲可以試下開舖。」

建議四：工程
網民Ｄ：「工程行業任何時候都等緊你，入去起薪萬三蚊，捱2年都搵兩萬加出14個月糧，條路仲升緊。」

建議五：專項技工
網民Ｅ：「試吓去做工程學徒囉，有糧出仲包讀書，仲會幫你搵埋工，外國而家好缺水電工。」

網民Ｆ：「集中精力讀一科工程專項，例如冷氣、水喉、泥水，雖然辛苦啲，但對死物多過對人，你做開chur爆嘅廚房接受到。」

建議六：地盤
網民Ｇ：「體力勞動做飲食業話人工低，咁你一係去做地盤囉，係就辛苦不過人工高好多！」

建議七：物業管理
網民Ｈ：「唔會遲，我都係廿七歲再起步，而家做緊物業管理工作，公司係咁請人。」

建議八：投資
網民Ｉ：「我覺得學投資嘅長遠回報比進修高，月入兩萬就盡儲，然後靠投資搵食。投資收入可以係人工兩三倍。」

進修不分早晚，只要想清楚個人喜好、發展方向，再平衡體力及時間，年齡絕對不是一個阻礙。

如果你也想學習新事物，按此瀏覽更多課程資訊吧！

延伸閱讀：【進修機會】生產力局X Google推全球數碼培訓課程 免費學習AI應用

延伸閱讀：【進修轉行】30歲老婆想轉行做護士？老公︰而家先嚟讀書好貴

延伸閱讀：【自我增值】一文解說電業工程人員註冊5級制 內附電工入行考牌速成班

【最新調查】《CTHR 2021年畢業生薪金及就業調查》結果出爐！立即下載調查報告！