【讀書進修】打工仔感慨中學被老師鬧到怕 重投校園信心返晒嚟 網民︰老師真係可以影響人一生

大家的職涯規劃是從何時開始？大學、中學，還是小學？但無論是何時開始，學生時代的經歷對成長都有着莫大的影響，老師扮演的角色更是獨一無二地重要。一位好的老師能夠孕育出更好的學生，相反，一位不懂得教育的老師則會誤人子弟，對學生前途有負面影響。

早前有中年打工仔在連登討論區發文，自言最近重返校園，修讀以往最討厭的工程及數學，但出奇地發現自己能夠應付，更對讀書重拾自信；他同時感慨在中學碰上一些差的老師，不然可更早發現自己在數理科目的興趣。

即睇事主經歷及網民留言︰

+10

+9

事主︰「中年讀返書好感慨，感慨中學嗰啲老師真係好差，當年被佢哋鬧到咩信心都無晒，仲叫我唔好讀、浪費時間；又鐘意玩連坐法冷暴力，最癲係有個老師因為聽到有人串佢而唔上堂，要全班交人名，道晒歉求佢返嚟上堂。唔只一個，幾個都係咁……從此我就好驚數學同理科，發誓呢世人都唔讀數，結果依家讀工程又係讀數。但出奇地我又跟到，起碼我讀得嚟有啲信心先。」

網民︰想當年就係因為中學班老師，我quit咗中學，依家攞住個中三學歷做飲食業。

網民︰老師真係影響人一生……

網民︰出嚟做嘢咪一樣，成日被啲上司鬧到你一文不值，但明明間公司本身已經亂。

網民︰一個老師，真係可以決定天堂與地獄。最慘係真係有學生信咗，當自己唔係咩讀書材料，然後自暴自棄，咁就一世。

網民︰我試過得罪訓導主任，被佢鬧到傻，結果考試我喺佢教嗰科拎全班第一，心情好爽！

網民︰細個真心以為老師係有教無類，點知只係自己諗太多。

網民︰幾時讀書都係好事，學到嘅嘢都係自己。

網民︰依家唔讀，唔通60歲先讀咩？支持樓主！

網民︰做老師嘅門檻都唔高，佢哋其實本身都未必讀得好。

網民︰要遇到一個好老師真係好難，感恩我當年遇到，教識我好多嘢，依家出咗嚟社會好多年都keep住做朋友。

帖文引來不少網民回應，分享自身經歷，足見老師對學生的影響力舉足輕重。因此，有意入行的朋友應做好準備，在知識及教學方法上充實自己，為學生做好榜樣；現職老師亦應多進修，了解時下年輕人的看法，避免「一本通書用到老」。

延伸閱讀︰【職場熱話】細個唔讀書大個做苦工？網民怒斥老一輩思想過分保守

延伸閱讀︰【港人移民】喺英國做嘢都開心啲？打工仔：可以準時放工，一夠5點就Say Byebye！

老師是專業人士，而且薪高糧準，是不少人的理想職業；不過，近年社會似乎有另一番看法，讓老師變得越來越不受歡迎。

+12

+11

事實上，老師承受不少工作壓力，除了行政上的煩瑣事務，亦不少被家長投訴，有苦自己知。而除了老師，這4個職業同樣經常被投訴。（按圖了解）

+5

+4

延伸閱讀︰【NGO】點解幼稚園老師唔似中小學老師咁有薪酬表？

延伸閱讀︰【教育工作】近半受訪教師每周工作61小時 最大壓力是行政工作？

最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮