2018年香港小姐亞軍鄧卓殷（Amber）入行後，除咗幕前演出，近年更積極發展個人事業，唔單只經營個人社交平台做KOL，亦成為普拉提導師，更創立運動服裝品牌，絕對係「瓣瓣掂」！Amber喺DSE考獲4科5**，更係港大建築碩士畢業，呢位高材生笑言依家自己係「炒散」做Slasher，但生活非常開心自在，「可以自己控制時間，亦不需要被困喺特定一個地方工作，有好大自由度！」