【職場熱話】老闆想培養自己 仲應唔應該辭職?
員工在離職前,會考慮各種不同的因素,包括薪酬福利、人事關係,與及上司對他的重視程度等等。若果公司向員工提供一定的在職培訓,表達想要栽培他的心意,是否能夠留住他?最近在網上討論區Dcard有打工仔分享自己的煩惱,指自己計劃離職,卻感受到老闆想要栽培自己,於是開始糾結自己在未來,應否繼續留在現在的公司。
點圖了解更多事主經歷:
延伸閱讀:【職場心理】「唔好意思」唔好掛口邊? 職場正確的道歉方法? 3大心法要記低
延伸閱讀:【職場英語】點樣用英語約開會? 時地人一次過教學 用SAY字都可
事主分享:「我返緊嘅呢份新工做咗半年左右,想話撐到今年12月,先再遞信辭職,但老闆最近都一直同我講,想我學多啲唔同嘅嘢,而嗰啲嘢唔係一時三刻可以學得識;另外,我嘅上司之後都諗住唔做,所以喺請我嗰陣,佢有同我講過,喺呢一兩年內,我可能要頂佢個位。我怕佢真係走咗,我就更加走唔到,但我又真係好想唔做,應該咩時候提辭職好?」
網民回應:
A/所以你點解會想離職先,有機會升遷點解唔試吓?其他人就話因為無前途,所以就話想辭職啫,有機會升都唔做,真係第一次聽
B/如果你覺得做嘅嘢係有興趣,亦都有價值,就可以考慮留低,否則老闆講嘅未必係真係要栽培你,只係怕無人返工咁解
C/其實呢,培養員工係公司應該做嘅事,唔好諗太多,佢肯培養你,咪即係代表你有利用價值囉。你唔好覺得喺培訓之後走會覺得唔好意思,因為令人想走,上司都有責任。最後想講,公司無咗你唔會死,所以希望你可以畀啲勇氣做決定。
D/無咩話走唔到,係睇你想唔想走
E/搵到新工先講囉,就算佢想培養你都好,你都無可能留喺公司一世啦
F/同你講幾句好說話,先留到你,咁好用嘅人好邊度搵
G/你上司走之前,都同你講咗,你將會係重點培養對象,而家已經咁樣,等你坐埋佢個位仲得了?你都係唔好畀人呃,快啲走啦
H/願意培養你(X)唔想帶新人(O)
I/老闆說話的藝術,真係想培養你,就加你人工啦,只不過想留住個好使好用嘅人
J/睇吓人工幾多再講,其他嘢都係浮雲
評估工作的價值
不少網民都勸喻事主,不要被老闆的語言藝術所迷惑,要好好為自己的前途作考慮。當我們想離職的時候,應該要先將工作上好壞的東西都排列出來,整理出工作的優點與缺點,並了解現時的工作是否有前景,評估工作的價值,思考留任是否值得。對於應否離職仍然感到困惑,可以先與上司商量,再決定自己是否應該辭職。
如何能夠減低自己在辭職後,感到後悔的機會?(點圖了解更多)
馬上點圖做測試,計算你的離職機率!