Next
【職場辛酸】參加親人喪禮 卻被工作訊息轟炸 打工仔：連請喪假都要騷擾我⋯⋯
【職場辛酸】參加親人喪禮 卻被工作訊息轟炸 打工仔：連請喪假都要騷擾我⋯⋯
2023-08-04
面對親人的離世，正常人失去對自己人生有深遠影響的人，心情低落在所難免。若員工不幸地遇上這種事，普遍公司都會體諒，甚至會為他們提供白事假期。不過，總有人未能體諒這份心情，在網上討論區Dcard就有台灣打工仔分享自己的經歷，他指自己因為參加親人喪禮請假，卻一直被工作訊息轟炸令他感到很無奈，「為甚麼這樣也要騷擾我⋯⋯」
點圖了解更多事主分享：
「今日參加親人嘅喪禮、請咗假，明明上司同同事都知道，但一直就喺工作Chat Group度Tag我，問啲明明其他人都可以解決嘅問題，見到呢啲訊息我真係唔想覆，可以自己解決嘅事點解一定要喺公司個Group度問我？問咗身邊嘅朋友同屋企人意見，佢哋話只要同事請假，佢哋都盡量唔會打擾，除非係非常趕急嘅事，先會問一問。
平時我請假就算，點解連今日請咗假辦喪事都要騷擾我？大家平日放假會唔會覆公司訊息？我已經打算今日點都唔覆⋯⋯」
網民回應：
A/應該係你睇落好好恰
B/何必要覆？呢啲公司真無用，少咗一個人，就搞到大家好似唔識做嘢咁
C/你咪Send張屋企人嘅遺照畀佢哋，我肯定當日無人敢再搵你
D/要唔要Tag你，係你上司同事嘅選擇（到底有無同情心）；但覆唔覆，係你嘅選擇。如果我係基層員工，我唔會覆；但我現時係中等階層，而公司內部競爭好強，我嘅獎金花紅掌握係上司嘅一念之間，所以我喪假唔只覆咗訊息，仲用咗半日時間處理公事
E/我都試過，明明啲同事知道我參加喪禮，仲一直Send Message同Tag我，都唔係啲咩特別嘅事，搞到我嬲到拍扁咗個金元寶，後嚟我就同過咗身嘅阿公道歉，將我喺靈堂嘅相直接Send畀我啲同事，等佢知道我有幾忙（打咗格仔）之後就再無人嚟搵我
F/你可以用Voice Message覆，最好就錄埋背景嘅木魚聲，佢哋應該唔會再嚟煩你
G/咪覆囉，邊個Tag我，我就喺念經嗰陣讀埋佢哋個名出嚟
H/辛苦晒啦，如果工作上嘅人無辧法尊重你，希望你可以搵到個更好嘅環境
回覆與否視乎個人情況
不少網民都安慰事主，指他的同事和上司沒有同情心，一直在事主辦喪事期間聯絡他。有網民認為選擇向事主發工作訊息，是同事與上司的選擇，至於回覆與否，就是事主的選擇，勸喻事主跟隨心中的想法。
放假應否回覆工作訊息？視乎你的心情如何，假如心情還好，或事情很緊急，回覆一句無傷大雅；要是你心情很差，為你帶來負面情緒，就不要回覆，始終你在休假，不回覆公事訊息，是天公地道，毋須過於擔心。
錄WhatsApp語音訊息要遵守甚麼禮儀？（點圖了解更多）
即睇3個謝絕上司夜晚WhatsApp講公事嘅重點
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
最新專訪片︰
【HR Guru】華御結首推「全職員工子女醫保計劃」為員工分憂解難 董事長西田宗生笑言：我是公司最底層
Look out for further updates on our Facebook fan page!
Follow CTgoodjobs for the latest career news, hot topics and recommended jobs!