Next
【薪酬待遇】4年從未加人工 一項傳統習俗更要員工出錢當福利？
【薪酬待遇】4年從未加人工 一項傳統習俗更要員工出錢當福利？
2023-06-08
員工福利是好是壞，最重要還是要看員工是否接受，不喜歡辦公室聯誼的打工仔或許會抗拒與上司、同事一起的社交環節。無論如何，公司長年不願加人工，怎樣去看也能以說服人福利好。最近，社交媒體專頁「奴工處」有一打工仔發文，表示其薪酬有4年未有增加，而公司更發表驚人語錄，指一項傳統習俗是員工福利，更要員工出錢。
延伸閱讀：【薪酬福利】勞工法例要求當員工福利？打工仔：見過廣告寫MPF、準時出糧…
即睇事主分享及網民回應：（按圖了解）
事主：做過一間公司4年冇加過人工，一個人做兩個人嘅workload，話升你又冇下文。我個阿姐仲同我講公司福利好好，因為大時大節會叫茶記搞大食會，新年可以收到幾百蚊利市。點解會有公司連員工自己派嘅利市都計埋入公司福利？
網民：咁點解你仲唔走上嚟問？
網民：成件事重點係你仲做緊。
網民：因為你冇料走囉！
網民：你唔走，公司就會覺自己福利好好。
網民：間間公司都覺得自己福利好，對員工大恩大德㗎啦！
網民：咪住！嗰幾百蚊利市使唔使報稅先？
網民：有公司MPF都當係福利，利市都算係咁啦！
網民：啲公司係咁陰濕，你唔出聲就蒙混過關。
網民：一年唔加都走啦，仲要4年……
網民：睇死你唔走繼續壓榨你。
網民：咁樣做到4年，你啲同事應該好好人？
網民：我曾經返過一間話每日提供下午茶都算福利之一，但問題係佢整下午茶個pantry有曱甴遊走，辦公室有時又有米奇出沒，我就無福消受喇……
網民：我相信出面4年應該加咗10k左右……
福利欠改善 員工應發聲？
眾多網民認為，整件最奇怪的是事主為何能夠忍受4年沒有加薪，部分人懷疑事主本身欠缺能力跳槽，才會受公司忽視。不過，有網民則指，有些公司如看到員工十分穩定，便不會改善薪酬待遇，但卻會出口術宣揚福利好的信息。
部分網民認同下午茶可算是員工福利之一，但好奇為何新年員工派利市也可當作福利，皆因打工仔利市多寡取決於辦公室內員工人數，與公司沒有太大關係。有網民揶揄事主，籲事主要小心公司利市會否當作薪酬的一部分，需要在報稅單列出。
至於打工仔能否忍受4年不加薪呢？相信每個人都有不同忍受能力，但普遍人應該難以接受在通脹時期維持薪酬不變。
小型企業資源較貧乏，難有優厚福利吸引人才，想留人可參考以下8招！（按圖了解）
長期冇人工加，當然要搵新工！搵新工期間，都要注意以下5件事：（按圖了解）
延伸閱讀：【職場文化】印度CEO指職場新人需每天工作18小時 遭網民圍插當員工係奴隸
延伸閱讀：【職場熱話】網民大數最孤寒公司政策 Pantry食物要收錢？要員工裝翻版軟件？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!