【網民職場Talk】女朋友日日OT原來全因女上司......

對於初出茅廬的職場初哥來說，職場是一個陌生的地方，有人更從來沒有想像過，原來「OT地獄」真的可以如此可怕……有打工仔於討論區發帖文，表示女朋友近日開始上班，卻幾乎每天都OT超過一小時，令他懷疑全因女上司……

延伸閱讀：【辭職熱話】主管病重被迫身兼兩職 打工仔喪OT猶豫應否辭職

上班兩個月 幾乎每天OT
事主女友由1月開始上班，上班時間由上午9點至下午5點半，但「一星期有4日都OT到成7點先走」。被問及OT原因時，女朋友只表示是因為自己做事太慢。事主感到疑惑，認為一個初級職員不應OT太多，更懷疑女友的女上司「肯定係成日就收工先畀嘢我女朋友做」。

事主心疼女朋友工作太忙，亦認為她的「中女」上司是個非常「Chur」的工作狂，甚至形容她「人生只有返工」。眼見女朋友不夠膽向上司提出OT問題，為了替她出頭，事主正打算去信公司作出投訴，或者直接上門解決事件。

OT是香港打工仔常態
香港打工仔長居工時調查報告首位，早於2016年的瑞銀的《價格與收入》報告，香港勞動人口每周平均工時已高達50.11小時，遠高於全球平均工時36.23小時。OT已成本港打工仔的常態，所以網民紛紛留言表示只是事主少見多怪：「OT咋喎，香港大把打工仔都係咁啦」、「做唔晒咪照準時走囉，佢唔走係佢自己揀喎，返工同讀書一樣，邊可以做得晒、讀得晒」。

只好加快工作效率
如果想準時收工，只好想出解決方法。不少網民就提醒事主，上班一族如果想避免OT，就只好自己工作時爽快一點，埋怨或不滿亦無用：「人地個個同事正常速度做嘢，準時放工。你自己做得慢，做唔晒啲嘢，即係要同事做埋你嗰份？」、「你女友自己話自己手腳慢喎，點幫呀，人地唔炒你都偷笑啦」。

延伸閱讀：【轉工跳槽】寧願減薪轉工不留職 全因一種差別待遇......

盡早離開不合心水的工作
正所謂「人揀工，工揀你」，若工作不稱心，而單靠一己之力久久未能改變現狀，則應考慮轉工：「唔啱做就轉工，有手有腳有腦驚咩？」、「唔啱做咪走囉，OT就話人哋恰你」、「又要唔OT得，又唔辭職」。總之，為了避免正面衝突，網民一致認為事主不應該替女友出頭：「佢頂唔順自己會識執生架啦，OT無話過一定要補水畀你」、「（如果替她投訴）咪盞死多兩錢」。
 

⏩⏩  需要請人？立即刊登招聘廣告！  ⏪⏪